Ken no ke nan mes kas? Ken no ke un mih\u00f3 K\u00f2rsou? Mas hustu? Mas sosial, ku ta trata tur Yu di K\u00f2rsou ku r\u00e8sp\u00e8t.
\nUn pareha h\u00f3ben ta yega K\u00f2rsou for di Hulanda yen ilushon pa yuda krea un sosiedat mih\u00f3 i mas hustu. Tur hende ke esei. Nos ta mira e pareha traha duru, hasi sakrifisio i tambe inspir\u00e1 hende rondo di nan pa sosten\u00e9 nan proyekto.<\/p>\n
Bin gosa di e obra Lamchi di Dios, ku ta puntra kon ambishon por korump\u00ed, kon sosiedat ta ninga hende derecho, kon nos mes por trapa otro su dignidat pa bai dilanti. Lamchi di Dios lo laga bo hari, pensa, i podis\u00e9 esta rabia.<\/p>\n
Teatro Bulabanda su mishon ta usa arte di teater pa hasi e preguntanan nesesario pa nos komunidat su adelanto. Den e 4 a\u00f1anan ku ta bini, Bulabanda lo investig\u00e1 e Memoria, Konsenshi i Alma di nos pais. Lamchi di Dios ta e prom\u00e9 obra den e serie aki.<\/p>\n
Lamchi di Dios ta un obra teatral di Albert Schoobaar, ku aktuashon di Donovan \u201cSlim\u201d Bennett, Shannon Solange, Guenn R. Gustina i Eugen\u00e9e Anita. Lamchi di Dios ta un konsepto di Albert Schoobaar ku teksto di Marlon Reina.<\/p>\n