Teatro Bulabanda no ke traha teater so. Nos ke papia ku pueblo di Kòrsou. Nos no tin niun kontesta, pero nos tin hopi pregunta. Nos ta puntra nos mes ken nos ta. Di unda nos a bini i unda nos ta bai. Nos no ke skonde kara pa realidat. Realidatnan amargo ku nos ta mira rondó di nos. Esaki nan nos ta pone riba esenario, ku esaki nos ta traha teater.
Nos tin un soño tambe. Nos ta mira nos habri wowo pa e realidat i enfrent’e huntu. Nos no tin solushon, pero nos ta mira un Kòrsou kaminda tur hende ta papia. Esun chikí, esun pober, esun ku skol i esun ku no a kaba skol ainda. Nos ta mira un pais ku ta siña papia sin miedu: Ban Papia Bèrdat!
Nos ta invitá tur hende papia ku nos den nos talkshow!