KOMUNIKADO
Novela teatral musikal den bario di Otrobanda!
Teatro Bulabanda huntu ku Volksoperahuis di Amsterdam ta presentá Bibi Snèk 2: E Lucha Ta Sigui- , e di dos kapítulo di e novela teatral Bibi Snèk ku a kuminsá aña pasá den Sentro di Bario Otrobanda. E aña akí for di 22 di Mei te ku 1 di Yüni.
Bo ta kòrda kon e novela di bario Bibi Snèk a kaba aña pasá?
Kon henter bario di Otrobanda tabata teme ku nan lo a pèrdè nan Bibi Snèk stimá despues ku Bibi a bai sosegá? “Dios tin e den su Gloria!” I na último momento e yu hòmber di Bibi, Bibitu, a aparesé for di Hulanda reklamá koroto? Bo ta kòrda?
Awor tin deurwaarder na porta pa kobra. Bibitu lo logra tene Bibi Snèk habrí pa tur hende, riku i pober, sigui topa otro? Of ta turista i hende ku plaka so ta bon biní awor?
Boysi ku Jonathan tin nan plan ku show kultural pa salba kos, Of Sandra ku su konmemorashon di 30 di Mei ta e solushon? Bin Sentro di Bario Otrobanda pa wak kon e novela ta sigui.
Bibi Snèk ta konta ku aktuashon di Aldair Pieters, Albert Schoobaar, Kees Scholten, Norma Cova, Milushka Birge i hobénnan di Kas di Teater, ku kompaño musikal di Eric Calmes, Konkie Halmeyer i Radje Lacruz.
Funshonnan ta entre 22 di Mei pa 1 di Yüni. Estreno lo ta djabièrnè 23 di Mei na Sentro di Bario Otrobanda, Sint Maartensteeg 1.
Karchi na balor di XCG 15.00 ta na benta na Mensing’s Caminada, Van den Tweel, tur punto di benta Tu y Yo i online van CaribbeanTicketShop.com
Bibi Snèk a bira posibel ku finansiamentu di Fonds Podiumkunsten, Vriendenloterijfonds.
Funshonnan
Djaweps 22 Mei 8.00 PM
Djabièrnè 23 Mei 8.00 PM
Djasabra 24 Mei 8.00 PM
Djadumingu 25 Mei 6.00 PM
Djárason 28 Mei 8.00 PM
Djaweps 29 Mei 8.00 PM
Djabièrnè 30 Mei 8.00 PM
Djasabra 31 Mei 6.00 PM
Djasabra 31 Mei 8.00 PM
Djadumingu 1 Yüni 6.00 PM
