Un obra sosial humorístiko skirbí i dirigí pa Albert Schoobaar
Febrüari- Mart 2021
Na aña 2018 Albert Schoobaar a lanta Fundashon Teatro Bulabanda ku e meta pa traha obranan di teater di nivel altu basá riba realidat sosial di nos isla. Despues di traha na formashon di algun hóben den Albert Schoobaar a kuminsá skirbi e promé obra pa Teatro Bulabanda ‘Klèsh den Bario’ i den 2020 ensayo a kuminsá. Medidanan kontra Covid a pone ku no por a presentá pa públiko i pa e motibu ei a graba ‘Klèsh den Bario’ pa pasa pa públiko na TeleCuracao,TV Direct i Nos Pais TV!
Klèsh den Bario!
Kòrsou ta pará na un momento di skohe: Nos mes por òf mester baha kabes tuma yudansa numa?
Den un bario aki na Kòrsou, ora kos ta hopi malu, un grupo di hende ku a pèrdè kasi tur kos ta pone kabes huntu, forma nan mes bibá huntu den un skol bandoná, bou di guia di Pika. Un muhé balente, ku kurashi ku ke yuda tur hende bai dilanti. Tiki tiki nan ta krea nan komunidat solidario ku otro, i nan ta pone nan mes plan sosial riba papel: tuma desaroyo den nan mes man. Nan mes ke hisa manga di kamisa pa planta, krea i asina salba nan mes.
Ku aktuashon di: Dudy Pinedo, Jessica Damon, Norma Cova, Dianaila Nersicio, Crisen Schorea, Lilimar Valencia, Argenis Doran, Jordienne Martis, Miguel Salas, Cindy Brigitha huntu ku Ompi Tio riba barí.
Sostén pa Klesh den Bario
Teatro Bulabanda tin posibilidat di ofresé tur hende e obra akí danki na sosten finansiero di Bank Giro Loterijfonds i Fonds Podiumkunsten na Hulanda, i di Prins Bernhard Cultuurfonds Carbisch Gebied, Reda Sosial i Kooyman.
, 
, 
, 
, 
, 
, 
, 
, 
, 
, 
, and 