Kuantu lo bo sakrifiká pa yega tòp?
Ken no ke nan mes kas? Ken no ke un mihó Kòrsou? Mas hustu? Mas sosial, ku ta trata tur Yu di Kòrsou ku rèspèt.
Un pareha hóben ta yega Kòrsou for di Hulanda yen ilushon pa yuda krea un sosiedat mihó i mas hustu. Tur hende ke esei. Nos ta mira e pareha traha duru, hasi sakrifisio i tambe inspirá hende rondo di nan pa sostené nan proyekto.
Bin gosa di e obra Lamchi di Dios, ku ta puntra kon ambishon por korumpí, kon sosiedat ta ninga hende derecho, kon nos mes por trapa otro su dignidat pa bai dilanti. Lamchi di Dios lo laga bo hari, pensa, i podisé esta rabia.
Teatro Bulabanda su mishon ta usa arte di teater pa hasi e preguntanan nesesario pa nos komunidat su adelanto. Den e 4 añanan ku ta bini, Bulabanda lo investigá e Memoria, Konsenshi i Alma di nos pais. Lamchi di Dios ta e promé obra den e serie aki.
Lamchi di Dios ta un obra teatral di Albert Schoobaar, ku aktuashon di Donovan “Slim” Bennett, Shannon Solange, Guenn R. Gustina i Eugenée Anita. Lamchi di Dios ta un konsepto di Albert Schoobaar ku teksto di Marlon Reina.
E obra ta tuma luga na a Because Entertainment Center. Gosieweg 162 (Mon Repos)
Karchi XGC 30 na benta na
www.caribbeanticketshop.com
Mensing Caminda
Van den Tweel
Tur punto di benta Tu y Yo
Djabièrnè 21 Novèmber- 8 PM Estreno
Djasabra 22 Novèmber 8 PM
Djadumingu 23 Novèmber 6 PM
